Matchuni Chikongo chongipa Jisu

Matchuni Chikongo chongipa Jisu
Atchiani walo tom’tome tujok,
Salgini askirang uni kosako;
Gitelni turamko name nitimjok

Salgini sa’grerang una git ring’a,
Ma’gipa asonge uko nitima
Matchurang mikoa bi’sa mikrake,
Indiba chongipa Jisu grapjaha.

Katchaani walo an’ching git ring’a
Jisu re’baako an’ching mania;
Salgioni Jisu chingna ka’sabo,
Pangnan bi’sarangko tom’tome dilbo.