Magtiwala at Sumunod

 

1. Kung tayo’y mamuhay Ayon sa patnubay
Ng Dios at ng Kanyang salita,
Siya ay sasaatin Kung ating susundin,
At kung tayo ay magtiwala

Koro
Magtiwala’t si Jesus ay sundin,
Ang Kanyang kagalakan Laging sasaatin.

2. Papawiin Niya Ang tanang pangamba
Kung tayo’y laging mananangan,
Ang Kanyang patnubay Lagi nating taglay;
Sa daan tayo’y iingatan.

3. Kung ang ating buhay Sa Kanya’y ialay
Ang pagibig Niya’y kakamtin;
Ang bawat biyaya At lahat ng tuwa
Ay palagiang sasaatin.

4. Kay tamis manalig Sa Kanyang pag-ibig
Kung Siya’y ating sinusunod;
At kahit na saan Tayo pag-utusan
Buong puso tayong maglingkod.