Ni Temalen Jagi Atur

 

Ni temalen jagi atur anogoshi tujen atur
Sarasadema ni atur Kibur ni ajungketangma.

Ref
Kibur ni ajungketangma Kotak li nung tamang agi
Iba dang temaba li nung Ni noktaktsü Nai yariang.

Kong terata tetsübu lir Kü mulungi magizüker
Kar i yangji linüyongbo Kü nükjidongbo Kotak lir.

Ni Kotak li nungji liner mojing-i küdak ka aka
Tamang nung tepela ola Kotaker kenten angashir.

Ni temalen jagi tuner Kotak sangwaji ni nguner
Kotak mangutashi mepir Kibur Kotak i aniang.