Ke Akua Mana E

 

1. E ke Akua nani kamahaʻo,
Nāu nō i hana ka honua nei,
Me nā hōkū, ka uila, ka hekili
Hōʻike ana i Kou mana ē.

Hui:
E mele au i ka Hoʻōla ē,
He nani nō, he nani nō
E mele au i ka Hoʻōla ē
He nani nō, he nani nō.

2. Ua hana ʻOe i ka waonahele,
A me nā manu o ka lewa pū;
Nā kahawai, nā mauna kiʻekiʻe,
Hōʻike ana i Kou nani ē.

3. Ua make nō ke Keiki hiwahiwa,
No ko ke ao nei hewa nō a pau,
Ua ala hou ʻO ia mai ka make,
I kalahala no kākou a pau.

4. Ke kūlou haʻahaʻa nei mākou,
I mua Ou, e ka hoʻōla ē,
A hoʻonani aku iā ʻOe,
E ke Aliʻi nani o ke ao.