天下遍遍各邦國

天下遍遍各邦國, 人人心肝黑暗,
本做撒但的奴僕,情形實在悽慘.
天父仁愛大慈悲, 養飼保護萬民,
可惜百姓不拜祂,去拜偶像鬼神.

咱做耶穌的學生,得知救世法度,
當舉真道的光燈,導人同行天路.
福音當傳普天下, 東西南北攏聽,
教人順服咱天父,信靠救主尊名.

田園五穀大四處,割稻大大欠工,
懇求田主出人多,緊緊替主收冬,
願主伸手縳撒但, 禁在地獄深淵,
使人歸主無數萬,天國廣闊無邊.阿們