Zërin tënd po e dëgjoj

 

Zërin tënd po e dëgjoj,
Duke më thënë sot:
Pastrim do t’gjesh në gjakun tim
Që derdha në Golgotë.

Refreni
Po vij tek ti, o Zot!
Tek ti po vij unë sot.
Më pastro në gjakun tënd
Që derdhe në Golgotë.

Qoft’ i dobët, qoft’ i lig,
Nga ti fitoj fuqi;
Dhe shpirtin tim të ndytë e lan
Nga çdo padrejtësi.

Mua Jezusi po më nxit
T’jetoj në dashuri
Me paqe e me shpresë të plotë
Në mbretërinë e tij.

Ku mëkati mbretëroi,
Jezusi sot vepron;
Duke m’treguar hir mbi hir
Nga faji më liron.

Mua në zemrën time ai
Më jep këtë dëshmim,
Që çdo premtim unë do t’fitoj
N’u lutsha me besim.

Hirin e shpërblyeshëm
E gjakun që pajton
I gjeta në Jezus Mesinë,
Që jetën ma drejton.