كل الدنيي عم تندهلك يا يسوع


بْهالليلة واصل لعنّا طفل وأسمو يسوع
جايي هالطفل يخلِّصنا بِجَسَدو الموجوع
خلينا نركع ونصلّي ونضوّي دربو شموع
يا هالريح هبّي وجنيّ وإنحني للمسيح
كل الدنيي عم تندهلك يا يسوع


منْ مغارة زغيري برداني غيِّرت وج الكون
لا تاج ولا صولجان مرصّع بمية لون
للفقرا للمحتاجين نازل إنتَ لهون
يا مسيح إنت ملك الملوك يا مسيح
كل الدنيي عم تندهلك يا يسوع


يا مسيحي جبت الفرح للناس وللاولاد
والنجمة ضوّا بينجرح تتزيّن الْعياد
عهدك محبة وحرية ثورة وايام جداد
يا مسيح ايمانن ل هالاولاد ما بزيح
كل الدنيي عم تندهلك يا يسوع


متوَّج بنار المحبة تتهدي المساكين
مهما كانت دربك صعبة منمشيها ومش خايفين
بميلادك الليلة كل الاولاد فرحانين
يا مسيح إنتَ وحدك بتسكِّت صوت الريح
كل الدنيي عم تندهلك يا يسوع

Leave a Reply

Your email address will not be published. Required fields are marked *